the green mile

4/4破例睇電影
一簡就簡左套猛片
被震撼了 可能呢排太耐冇睇
又或者我太易入戲,對某事物投放感情
搞到睇完個幕後冇哂心情
但第2日睇番又覺得冇事,到最後,釋懷了
搞笑既係有2個人不約而同關切地問我究竟睇左咩:)

月黑高飛同綠色奇蹟有點像,都係以監獄為主題
總係有個極惡既人,亦有極善既人
2個至善既人同樣都係被冤枉
前者有個happy ending,後者我唔知算唔算啦
但死對於john黎講都算係種解脫,要天使不斷見證世上各種醜惡,其實好痛苦
睇月黑高飛時,我佩服當中聰明既主角,巧妙既劇本佈局
睇green mile個陣,每次見到行刑既畫面,個心都會沉一沉
但每次亦會被發生係監獄中既奇蹟所感動
percy is a shit,欺善怕惡,但佢最後亦得到應有既報應,懲罰
但其實咁就當扯平?
我覺得一命填一命,以牙還牙,以眼還眼,報復唔係好方法
因為過程中充滿仇恨,罪
人亦好易比呢D野蒙蔽,漸漸變得醜陋,面目猙獰而不自知
相反,救贖先係好方法,因為我估係過程中愛會慢慢取締恨
愛會導人向善,大家和平相處總比互相報復好掛
其實我唔係聖人亦自認極之弱小
更遑論想改變其他人
但我會踏出第一步

其實戲中對善惡既描寫如此分明
作為觀眾,自然可以當起道德判官肆意批評戲中既奸角
但我認為更重要既係,電影有清晰既指引,讓人選擇日後站在正邪哪一方
好有教育意義!好唔好睇就係其次,但又無可否認真係勁好睇